geta¹ (sagnorð) · Yrða: íslensk orðabók

vera (e-s) megnugur, vera fær um (e-ð), eiga möguleika á (e-u) (háttarsögn sem tekur með sér lýsingarhátt þátíðar)

ég get ekki lyft þessu borði ein

þeir gátu slökkt eldinn

hún getur ekki komið klukkan 7

ég gat ekki farið til útlanda, ég hafði ekki efni á því

táknar kurteislega beiðni (stundum með viðtengingarhætti)

geturðu lesið þetta yfir?

geturðu komið aftur á morgun?

gætir þú komið við í bakaríinu?

giska á (e-ð)

hún gat rétt í fyrstu tilraun

geta sér þess til

giska á það

sumir hafa getið sér þess til að þetta sé gröf stórbónda

eins og nærri má geta

eins og við er að búast

það má nærri geta

það má búast við því, það er ekki óvænt

það má nærri geta hversu glæsilegt brúðkaupið var

eignarfall

segja, greina frá (e-u)

fundarstjóri gat þess að kl. 3 yrði gert hlé

slúðurblöðin gátu þess að leikkonan ætti nýjan vin

biskupsins er ekki getið í skýrslunni

láta þess getið

greina frá því

hún lét þess getið að það vantaði enn nokkurt hlutafé

<hér> getur að líta <fagurt landslag>

hér má sjá fallegt landslag

á markaðnum gat að líta allskonar varning

geta sér gott orð

fá gott orðspor, góðan orðstír

leikstjórinn hefur getið sér gott orð í Hollywood