leysa · Yrða: íslensk orðabók

losa (e-ð) í sundur, rekja (e-ð) sundur

getur þú leyst hnútinn?

ég leysti bandið af pakkanum

fanginn var leystur úr böndunum

veita (e-u) lausn, finna lausn (á e-u)

ég get ekki leyst krossgátuna

nemendur eru látnir leysa erfið verkefni

hún leysir vanda viðskiptavina sinna eftir bestu getu

þolfall

(um snjó) taka upp, bráðna og hverfa

snjóinn leysti um vorið

leysa + af

leysa <hana> af

koma tímabundið í staðinn fyrir hana

skólafólk leysir starfsmennina af á sumrin

leysa <þetta> af hólmi

koma í staðinn fyrir þetta

expressóvélin hefur leyst gömlu kaffivélina af hólmi

leysa + niður

leysa niður um <sig>

taka niður buxurnar

leysa + undan

leysa <hana> undan <þessu>

losa hana við þetta (t.d. verkefni)

hann var leystur undan allri ábyrgð

hann hefur verið leystur undan samningi við fótboltafélagið

hann var leystur undan herþjónustu

leysa + upp

leysa upp <saltið>

láta salt blandast vökva og samlagast honum

vatn leysir upp sykur

leysið upp innihald pakkans í bolla af sjóðandi vatni

→ sjá: uppleystur lýsingarorð

leysa + úr

leysa úr <deilunni>

finna lausn, svar, binda enda á deiluna

gjaldkerinn í bankanum gat leyst úr vandræðum mínum

hún reyndi að leysa úr spurningum ráðstefnugesta

leysa + út

leysa út <ávísunina>

skila henni í bankann og fá peninga/inneign í staðinn

leysa <hana> út með <gjöf>

láta hana fara, kveðja hana með gjöf

afmælisgestirnir voru leystir út með nammipoka

leysa frá skjóðunni

segja (loksins) frá, segja allt af létta, láta allt uppi

<öskra> eins og <hún> eigi lífið að leysa

öskra af öllum kröftum

→ sjá: leysast sagnorð, leysandi lýsingarorð