ganga – Yrða: íslensk orðabók

komast áfram á fótunum

hún gengur alltaf í skólann

barnið er byrjað að ganga

við göngum oft okkur til hressingar

hermennirnir gengu í takt

gekkst þú ekki á jökulinn?

ganga um gólf

(um vél, klukku, mótor o.fl.) starfa, virka

gamla úrið gengur ennþá

(um samgöngutæki) vera í reglulegum ferðum

bátur gengur reglulega út í eyna

strætó hættir að ganga á miðnætti

ganga langt

teygja sig langt, gera of mikið (af e-u)

hún gengur of langt í þjálfun líkamans

hafa vissan framgang, takast, heppnast

nefnifall

hvernig gengur?

verkið hefur gengið ágætlega

hreinsunarstarfið gekk vel

þágufall

honum gekk vel í prófinu

hvernig gengur þér?

mér gengur hægt með ritgerðina

vera nógu gott, hæfa

það gengur ekki að hann mæti alltaf of seint

ganga + að

ganga að eiga <hana>

ganga í hjónaband með <henni>, giftast <henni> (oftast notað um karlmann)

ganga að <skilmálunum>

beygja sig undir, samþykkja skilmálana

ganga + af

það gengur <hálfur metri> af

hálfur metri verður afgangs

það gekk ekki einn biti af steikinni

ganga af <honum> dauðum

drepa hann

hann er að ganga af mér dauðri með þessum kvörtunum

ganga + aftur

ganga aftur

vera á sveimi sem draugur

ganga + á

ganga á <hana>

spyrja hana ákveðið, stöðugt

ganga á <birgðirnar>

taka af birgðunum

það gengur á <eldsneytið>

eldsneytið eyðist

það gengur <mikið> á

það er mikið um að vera

hvað gengur hér á?

það gekk mikið á í íþróttahöllinni á laugardaginn

ganga + (á) eftir

ganga á eftir <honum>

fylgja honum eftir, fara í kjölfar hans

knýja á hann, biðja hann mikið (um e-ð)

ég þurfti ekki að ganga lengi á eftir henni að koma með mér í leikhús

ganga + á milli

ganga á milli <þeirra>

hindra áflog þeirra

ganga + eftir

<þetta> gengur eftir

þetta verður, rætist

hana hafði lengi dreymt um að fara til Sviss og það gekk eftir

ganga + fram

ganga hart fram

sýna dug, góða framgöngu

foreldrarnir gengu hart fram í því að leikvöllurinn yrði lagfærður

<þetta> nær fram að ganga

þetta nær í gegn, er samþykkt

frumvarpið náði ekki fram að ganga

<nesið> gengur fram <í fjörðinn>

nesið skagar fram/út í fjörðinn

ganga + fram af

ganga fram af <henni>

gera hana hneykslaða og forviða

hann gekk fram af mér með þessu tali

ganga + fram hjá

ganga fram hjá <honum>

gefa honum ekki tækifæri, sniðganga hann

þegar skáldverk eru tilnefnd má ekki ganga fram hjá þessum ágæta höfundi

ganga + frá

ganga frá

láta allt á sinn stað, koma öllu í lag

við gengum frá eftir matinn

það á eftir að ganga frá í eldhúsinu

ganga frá <þessu>

láta þetta á sinn stað, koma þessu í rétt horf

hann gekk vel frá verkfærunum

hún gekk frá pappírunum eftir sig

það á eftir að ganga frá samningnum

festið saman peysuna og gangið frá öllum endum

→ sjá: frágenginn lo

ganga frá lausum endum

ljúka öllum þáttum máls

ganga frá <honum>

gjörsigra hann, láta hann liggja (eftir t.d. áflog)

ganga + fyrir

ganga fyrir (öðrum)

hafa forgang, mega fara fyrstur

nemendur með góðar einkunnir ganga fyrir

þau létu baðherbergið ganga fyrir öðrum innréttingum

bíllinn gengur fyrir <rafmagni>

bíllinn notar rafmagn sem eldsneyti

ganga + í

ganga í <svona fötum>

nota svona föt

hún gengur alltaf í gallabuxum

ganga í <málið>

snúa sér að því að leysa málið

ganga + í gegnum

ganga í gegnum <erfiða reynslu>

upplifa erfiða reynslu

hann hefur þurft að ganga í gegnum margt um dagana

ganga + nærri

ganga nærri sér

leggja of mikið á sig

hún hefur gengið mjög nærri sér með allri þessari vinnu

ganga + til

<honum> gengur gott eitt til

hann hafði gott eitt í hyggju

hvað gengur <henni> til?

hvað hefur hún í hyggju? hver er tilgangur hennar (með þessu)?

hver var þessi maður og hvað gekk honum til?

ganga + um

ganga <hljóðlega> um (húsið)

hegða sér, fara hljóðlega

gestir eru beðnir að ganga snyrtilega um

ganga + upp

<dæmið> gengur upp

tölurnar í dæminu stemma

það var erfitt að láta rekstrarreikningana ganga upp

<þetta> gengur (ekki) upp

þetta hentar (ekki), passar (ekki)

það gengur ekki upp að allir séu í fríi í júlí

ganga + út

<varningurinn> gengur út

hann selst

ganga + út á

<kenningin> gengur út á <þetta>

kenningin felur þetta í sér, þetta er aðalinntak kenningarinnar

ganga + út frá

ganga út frá <þessu>

gera ráð fyrir þessu, búast fyrirfram við þessu

námsefnið gengur út frá vissri kunnáttu nemenda

ganga + úti

ganga úti

(um kindur og hesta) vera stöðugt utandyra

hestarnir ganga úti

ganga + yfir

<óveðrið> gengur yfir

óveðrinu linnir

þeir fóru ekki út fyrr en veðrið var gengið yfir

<flóðbylgja> gengur yfir <landið>

flóðbylgja fer yfir landið

það gekk (alveg) yfir <mig>

ég fylltist undrun og vandlætingu, ég var alveg gáttuð

→ sjá: gangast so, genginn lo, gangandi lo

Orðasvið, samstæður og orðasambönd

ganga

Samstæður

hjóla

Orðasambönd

allt gengur af göflunum
allt gengur í sukki
allt gengur með himnalagi
allt gengur sinn vanalega gang
allt ætlar af göflum að ganga
á hverju sem gengur