hafa – Yrða: íslensk orðabók

vera með (e-ð)

ég hef mitt eigið skrifborð í vinnunni

hann hafði dagblað í hendinni

við höfum stóran garð

hjálparsögn til að mynda núliðna og þáliðna tíð (lokið horf)

ég hef aldrei komið til Spánar

hann hefur verið í burtu að undanförnu

hún hafði farið á pósthúsið

þau höfðu ákveðið að hittast þar

hafa sig <á brott>

fara burt, snáfa burt

hundurinn hafði sig loksins burt

hafa + af

hafa <þetta> af

takast þetta

hún hafði það af að sigra í spretthlaupinu

hafa það af

halda lífi, lifa af hættu eða sjúkdóm

hafa + á móti

hafa <ekkert> á móti <þessu>

vera <ekki> mótfallinn þessu

ég hef ekkert á móti hnefaleikum

segið til ef þið hafið eitthvað á móti þessu

hafa + eftir

hafa <þetta> eftir <honum>

segja þetta eins og hann sagði það

þetta var haft eftir ráðherranum í gær

hafa + fram

hafa sitt fram

ná fram vilja sínum

ef þeir hafa sitt fram hækka launin umtalsvert

hafa <þetta> fram

fá þessu framgengt, fá þetta í gegn

hafa + fram yfir

hafa <þetta> fram yfir <hana>

vera betri, hafa betri stöðu en hún að þessu leyti

poppkorn hefur ýmislegt fram yfir annað snakk

hafa + fyrir

hafa fyrir <þessu>

ómaka sig við þetta, hafa fyrirhöfn af þessu

hún hafði fyrir því að baka 3 tertur í veisluna

þau höfðu mikið fyrir því að skipuleggja skólaballið

hafa <eitthvað> fyrir sér

styðjast við vitneskju eða góð rök

ég veit ekki hvað hann hefur fyrir sér þegar hann segir þetta

hafa + í

hafa í sig og á

hafa nóg til að framfleyta sér

hafa sig í <að hringja>

hafa framkvæmd, dug, kjark í sér til að hringja

við höfðum okkur loks í að láta mála þakið

hafa + í frammi

hafa sig <lítið> í frammi

vera áberandi í umræðum, í samfélaginu

hann hafði sig fremur lítið í frammi á fundinum

hafa + ofan af

hafa ofan af fyrir <sér>

stytta sér stundir

ég hafði ofan af fyrir mér með lestri skáldsagna

það þarf að hafa ofan af fyrir krökkunum í flugvélinni

gamalt

hafa ofan af fyrir <fjölskyldunni>

framfleyta fjölskyldunni, sjá henni farborða

hafa + til

hafa sig til

gera sig kláran, fínan

þær eru að hafa sig til fyrir samkvæmið

hafa + undan

hafa (ekki) undan <henni>

koma minna í verk en hún

þeir hafa ekki undan að framleiða vöruna

starfsfólkið hefur varla undan að taka við umsóknum

hafa + undir

hafa <skjalið> undir höndum

hafa skjalið í vörslu sinni

hafa <hann> undir

vera honum yfirsterkari í átökum

hafa + upp á sig

<þetta> hefur <lítið> upp á sig

þetta gagnar lítið, þetta hefur engan tilgang eða árangur

það hefur ekkert upp á sig að fara í mál við hann

hafa + uppi á

hafa uppi á <bréfunum>

finna bréfin

það reyndist erfitt að hafa uppi á eiganda bátsins

hafa + upp úr

hafa <lítið> upp úr <starfinu>

fá litlar tekjur eða hagnað af starfinu

þeir hafa sæmilega upp úr búðinni

hafa <mikið> upp úr sér

hafa miklar tekjur eða hagnað

það er <lítið> upp úr <þessu> að hafa

þetta skilar litlum hagnaði, ágóða

hafa + út undan

hafa <hana> út undan

taka hana ekki með (þegar aðrir fá e-ð)

Öskubuska var alltaf höfð út undan

hafa + út úr

hafa út úr <honum> <fé>

ná af honum fé með klækjum

hafa + við

hafa mikið við

hafa hátíðarbrag á e-u, gera e-ð með viðhöfn

þau elda nautakjöt þegar þau vilja hafa mikið við

hafa (ekki) við <honum>

vera lengur en hann, ná honum (ekki)

hann talaði svo hratt að ég hafði ekki við að skrifa það niður

hafa + yfir

hafa yfir <vísuna>

segja fram vísuna

hafðu það gott

gangi þér allt vel

það verður að hafa það

svo verður þá að vera, það er ekkert við því að gera

það var uppselt á tónleikana - það verður bara að hafa það

→ sjá: hafast so