láta · Yrða: íslensk orðabók

setja (e-ð) á e-n stað

hún lét kaffibollann á borðið

hann lætur fötin í skúffuna

hvar léstu bókina mína?

láta <skjalið> af hendi

láta e-n fá það, láta það frá sér

láta <honum> <upplýsingar> í té

veita honum upplýsingar

hegða sér (einhvern veginn)

hann lætur eins og fífl

börnin létu illa í leikhúsinu

ég lét sem ég heyrði þetta ekki

láta sem ekkert sé

láta sem ekkert hafi í skorist

láta öllum illum látum

láttu ekki svona

háttarsögn, merkir orsök, orsakavald

láttu hana ekki bíða

hann lét eggin sjóða í 10 mínútur

ég ætla að láta klippa mig

þau létu mála húsið

látum svo vera

segjum sem svo

um afskiptaleysi, íhlutunarleysi

láta <hana> eiga sig

láta <hana> í friði

láta <hana> vera

láta lífið

deyja (af slysi eða af völdum árásar)

láta í haf

sigla af stað

í afturbeygðum samböndum:

láta sig ekki

gefa ekki eftir (í orðræðu, deilu, ákvörðun)

láta sér annt um <barnið>

bera umhyggju fyrir barninu

láta sér ekki bregða

bregða ekki

láttu þér ekki bregða þótt hann komi með stóran hund

láta sér fátt um finnast

vera lítið hrifinn, láta lítil viðbrögð í ljós

láta sér (ekki) segjast

fara (ekki) að fyrirmælum, hlýða (ekki)

láta sér <þetta> vel líka

vera sáttur, ánægður

hún lætur sér vel líka að búa uppi í risinu

þágufall

henta, hæfa

henni lætur vel að kenna yngstu nemendunum

láta + að

láta vel að <henni>

gæla við hana, kjassa hana

láta + af

láta af <þessu>

hætta þessu

hann lét af allri stríðni við hana

láta af störfum/embætti

hún lét af embætti fyrir aldurs sakir

láta <vel> af <vinnunni>

bera vinnunni vel söguna, tala ánægjulega um vinnuna

hann lætur vel af sér í Finnlandi

láta + aftur

láta aftur hurðina/augun

loka hurðinni/augunum

hann lét aftur augun og sofnaði

láta + á móti

láta ekkert á móti sér

neita sér ekki um neitt

láta + eftir

láta allt eftir sér

neita sér ekki um neitt

láta <allt> eftir <barninu>

gera allt sem barnið fer fram á

láta eftir sig <miklar eignir>

deyja og skilja eftir miklar eignir

láta + nærri

það lætur nærri

það er nálægt því

það lætur nærri að hann gefi út bók á hverju ári

láta + undan

láta undan <henni>

gera eins og hún segir, gefast upp fyrir henni

þau létu undan þrábeiðni barnanna

láta undan

gefa eftir, brotna, svigna

þakið lét undan fannferginu

láta + uppi

láta <lítið> uppi

segja sem minnst

þeir létu ekkert uppi um áform sín

láta + út úr

láta <þetta> út úr sér

segja þetta (af gáleysi)

láta + yfir

láta lítið yfir sér

vera ekki áberandi, vera hógvær

byggingin var dýr þótt hún láti lítið yfir sér

eins og að líkum lætur

eins og við er að búast

ég læt það vera

sem andsvar: ekki svo mjög, ekkert sérstaklega

láta <mikið> að sér kveða

vera áberandi, drífandi, áhrifamikill

láta ekki að sér hæða

vera duglegur, ákveðinn, vekja aðdáun

láta ekki á sér standa

sýna skjót viðbrögð, drífa sig

láta ekki bugast

gefast upp frammi fyrir erfiðum aðstæðum, vonleysi og vanlíðan

láta ekki <tækifærið> hjá líða

sleppa ekki tækifærinu

láta ekki hugfallast

missa ekki kjarkinn

láta ekki sitja við orðin tóm

framkvæma en ekki bara tala um hlutina

láta ekki sitt eftir liggja

sýna framtakssemi, vera duglegur

láta ekki troða á sér

láta ekki kúga sig eða undiroka

láta ekki vaða ofan í sig

láta ekki sýna sér yfirgang í orðum

láta hart mæta hörðu

taka á móti af fullri hörku

láta <skoðun sína> í ljós

segja skoðun sína

láta sér ekki allt fyrir brjósti brenna

vera kjarkmikill, hugaður

láta svo lítið

gera sér þetta litla ómak, leggja það á sig

láta svo um mælt

segja svo, geta þess

láta til skarar skríða

hefja framkvæmd, byrja á e-u

láta þetta ekki á sig fá

láta þetta ekki angra sig, trufla sig

þegar best/verst lætur

við bestu/verstu aðstæður, í bestu/verstu birtingarmynd sinni

þegar til lengdar lætur

eftir því sem tíminn líður

→ sjá: látast² sagnorð, látast¹ sagnorð, látinn lýsingarorð