líta · Yrða: íslensk orðabók

fara að horfa á (e-ð), setja augun á (e-ð)

hann leit á klukkuna

hún lítur í spegilinn

ég leit í kringum mig en sá hana ekki

hún leit til hans sem snöggvast

hann leit upp þegar ég kom inn

þeir litu um öxl þegar hún hrópaði

hafa aldrei augum litið <fallegri konu>

<hér> gefur/getur að líta <mörg listaverk>

hér má sjá mörg listaverk

í höfninni gat að líta fjöldann allan af bátum

<mér> verður litið <þangað>

ég horfi þangað af tilviljun

henni varð litið í áttina að dyrunum

þolfall

meta (e-ð), álíta (e-ð)

fljótt á litið

fljótt á litið virðist þetta vera sama teikningin

geta ekki litið <hana> réttu auga

hafa slæma reynslu og fordóma gagnvart henni

líta svo á

ég lít svo á að verkefninu sé lokið

líta stórt á sig

vera sjálfsánægður

líta <málið> alvarlegum augum

óleyfilegar fjarvistir eru litnar alvarlegum augum

líta <hana> hornauga

vera illa við hana eða nærveru hennar

óvígð sambúð er litin hornauga í sumum löndum

líta + af

oftast með neitun

líta af <barninu>

flytja athyglina frá barninu, sjá það ekki um stund

ég get ekki litið af eldavélinni meðan sósan sýður

líta + á

líta á <tækið>

athuga tækið

viðgerðarmaður kom og leit á þvottavélina

læknirinn ætlar að líta á sjúklinginn

líta + eftir

líta eftir <barninu>

hafa eftirlit með barninu, fylgjast með því

hann lítur reglulega eftir smiðunum sem vinna í húsinu

líta + fram hjá

líta fram hjá <þessari staðreynd>

taka ekki mið af þessari staðreynd, taka hana ekki með í reikninginn

líta + inn

líta inn <þar>

koma þangað í heimsókn, koma við þar

við litum inn til hans um helgina

líta + í

líta í <bók>

lesa aðeins í bók

gestir geta litið í blöðin á kaffihúsinu

líta + niður

líta niður á <hana>

vera yfir hana hafinn, fyrirlíta hana

hún lítur niður á fólk af öðrum hörundslit

líta + til

líta til <hennar>

líta inn hjá henni, heimsækja hana

ég leit til þeirra á leiðinni heim

líta + undan

líta undan

horfa annað, horfa frá (e-u)

drengurinn leit undan þegar kennarinn skammaði hann

líta + upp

líta upp til <hans>

bera virðingu fyrir honum

hann lítur upp til lögfræðingastéttarinnar

líta (ekki) upp úr <bókunum>

hugsa (ekki) um e-ð annað en bækurnar

líta + út

líta <vel> út

hafa gott útlit

leikkonan lítur alltaf ótrúlega vel út

hann lítur betur út eftir að hann fékk lyfið

bíllinn leit illa út eftir áreksturinn

líta út fyrir að vera <vel efnaður>

virðast vera vel efnaður

það lítur <illa> út með <heyskapinn>

horfurnar eru ekki góðar með hann

líta + við

líta ekki við <matnum>

vilja ekki matinn, snerta hann ekki, hafa ekki áhuga á honum

hún lítur ekki við bókunum sem hún fékk í afmælisgjöf

líta við <þar>

koma við þar

ég leit við á bókasafninu á leiðinni hingað

líta + yfir

líta yfir <textann>

lesa textann lauslega

líta yfir farinn veg

velta fyrir sér hinu liðna

þegar ég lít yfir farinn veg sé ég að ég valdi rétt

→ sjá: lítast sagnorð