sækja – Yrða: íslensk orðabók

fara og ná í (e-ð)

ég ætla að sækja farangurinn

hann sótti blaðið í forstofuna

ég lofaði að sækja hana í skólann

sækja sér <kaffibolla>

koma eða fara til einhvers staðar, fara á eða í (e-ð)

margir sóttu útifundinn í gær

hún sækir kirkju reglulega

hann sækir píanótíma tvisvar í viku

sækja sjóinn

fara reglulega á sjóinn (til fiskveiða)

sækja vinnu

hún sækir vinnu í miðborgina

fara með sakamál eða ákæru (á hendur e-m)

saksóknari sækir málið fyrir hönd ríkisins

(í boltaleik) ryðjast fram til árásar að marki andstæðingsins

sækja + að

sækja að <þeim>

nálgast þá, gera árás á þá

fjandmennirnir sóttu að þeim úr öllum áttum

erfiðar minningar sóttu að henni

sækja + á

<hugsunin> sækir á <mig>

hugsunin er ágeng

þungar áhyggjur sóttu á hann

sækja + fram

sækja fram

(um her) færast fram, ryðjast fram

herinn sækir stöðugt fram

þegar fram í sækir

þegar tímanum vindur fram, þegar lengra líður, með tímanum

þegar fram í sækir ætlum við að efla skógræktina

reksturinn varð arðbær þegar fram í sótti

sækja + heim

sækja <borgina> heim

heimsækja borgina, ferðast til borgarinnar

við sóttum heim mörg falleg þorp

sækja + í

sækja í <kökurnar>

dragast að (e-u), leita í (e-ð)

hann sækir mjög í félagsskap hennar

sækja + um

skila inn umsókn (um e-ð)

hún sótti um starf hjá fyrirtækinu

hann er búinn að sækja um í háskólanum

sækja í sig veðrið

færast í aukana, magnast

stjórnarandstaðan er að sækja í sig veðrið

→ sjá: sækjast so, sóttur lo

Orðasvið og orðasambönd

sókn

framsókn
, gagnsókn
, leiftursókn
, pressa
, sókn
, framfarasókn

Orðasambönd

að sækja á bita
að sækja smér í strokk
eiga á brattann að sækja
eiga undir högg að sækja
fara yfir lækinn að sækja vatn
góður heim að sækja