skríða – Yrða: íslensk orðabók

mjaka sér áfram á kviðnum eða á höndum og hnjám (um fólk)

barnið er byrjað að skríða

hann skreið aftur upp í rúm

skríða á fjórum fótum

skríða á hnjánum

hreyfa sig áfram (um skordýr, köngulær, eðlur, slöngur ...)

slöngur skriðu um kjarrið

kóngulóin skreið upp vegginn

unginn skríður úr egginu

bruna áfram (um skip)

farþegaskipið skreið út fjörðinn

(um jökul, jarðveg) mjakast áfram á jöfnum hraða

skriðjökullinn skríður stöðugt fram

þétt þoka skreið niður fjallið

ná lágmarksárangri (á prófi); takast e-ð með naumindum

þær skriðu á prófinu með lágmarkseinkunn

flokkurinn rétt skreið yfir 10 prósent í kosningunum

skríða + fyrir

skríða fyrir <henni>

niðurlægja sig til að þóknast henni, sýna mikla undirgefni

sumir starfsmenn skríða fyrir forstjóranum

skríða + saman

skríða saman

jafna sig eftir veikindi eða annað áfall; taka á sig mynd

hún er öll að skríða saman eftir aðgerðina

ritgerðin mín er alveg að skríða saman

láta til skarar skríða

ráðast í að framkvæma e-ð, grípa til aðgerða; ráðast á e-n/e-ð

lögreglan lét til skarar skríða gegn hryðjuverkamönnunum

við ákváðum að láta til skarar skríða og stofna fyrirtæki

Orðasambönd