komast – Yrða: íslensk orðabók

geta komið eða farið (eitthvert)

hann kemst ekki niður stigann

þeir komust ólöglega inn í landið

sófinn komst ekki inn um dyrnar

bíllinn varð bensínlaus og komst ekki lengra

þau komust ekki í skólann vegna veðurs

komast ekki úr sporunum

hreyfast ekki úr stað

komast + að

komast að

fá rúm, pláss, tíma

hún kemst að hjá lækninum á morgun

það eina sem kemst að hjá henni er áhugamálið

komast að <leyndarmálinu>

uppgötva, fá að vita um leyndarmálið

komast að <krananum>

geta náð til kranans

sjúkrabíllinn komst ekki alveg að húsinu

komast + af

komast (lífs) af

sleppa lifandi úr slysi

fjórir komust af þegar flugvélin brotlenti

komast af með <lítið>

þurfa lítið sér til framfæris

komast + á

<þessi siður> kemst á

þessi siður verður fastur

sú venja hefur komist á að fjölskyldan búi til jólakort

komast langt á <þrjóskunni>

ná langt með því að vera þrjóskur

komast + áfram

komast áfram

geta farið ferða sinna áfram

bílarnir komust ekkert áfram

geta haldið verki áfram

hann kemst ekkert áfram með ritgerðina

halda áfram í keppni

liðið komst áfram eftir fyrri umferðina

komast + fram hjá

komast fram hjá <klettinum>

geta ekki haldið áfram af því að kletturinn er fyrir

komast + frá

komast <vel> frá <ræðunni>

hafa flutt ræðuna vel

komast + fyrir

<skápurinn> kemst (ekki) fyrir

það er (ekki) pláss fyrir skápinn

hægindastóllinn komst auðveldlega fyrir í stofuhorninu

komast fyrir <útbreiðslu eldsins>

hefta, hemja útbreiðslu eldsins

komast + hjá

komast hjá <þessu>

sleppa við þetta

þú kemst kannski hjá því að hjálpa til

ég komst ekki hjá að heyra samtal þeirra

komast + inn

komast (ekki) inn (í tölvuna)

geta (ekki) opnað tölvuna fyrir notkun

komast inn (í skólann)

hljóta inngöngu í skólann

komast + í

komast í <smákökurnar>

öðlast gott aðgengi að þeim (og taka þær)

hundurinn komst í nautasteikina og át hana

komast í tæri við <flottan sportbíl>

geta snert hann, prófað hann, vera nálægt honum

komast í <vanda>

lenda í vanda

komast í hann krappan

lenda í miklum vanda eða hættu

tveir menn á árabát komust í hann krappan

komast (ekki) í <jakkann>

geta ekki troðið sér í jakkann (vegna stærðar eða meiðsla)

ég kemst ekki lengur í þessar buxur

komast + til

komast til valda

fá völd

ráðherrann komst til valda árið 1950

komast til <þess>

fá tíma eða tækifæri til þess

hann hefur ekki enn komist til að skrifa skýrsluna

komast + undan

komast undan

hlaupa burt, sleppa

þjófarnir komust undan á hlaupum

komast undan <þessu>

losna við þetta, sleppa við þetta

ég komst undan því að svara spurningunni

komast + upp

<svindlið> kemst upp

svindlið er dregið fram í dagsljósið, afhjúpað

komast + upp með

komast upp með <þetta>

leyfast þetta óátalið

hún kemst upp með að mæta alltaf of seint

komast + við

komast við

verða hrærður, fara næstum að gráta

komast + yfir

komast yfir <lykilinn>

ná tangarhaldi á lyklinum, útvega sér lykilinn

þeir komust yfir lykilorðið hennar

komast yfir <hjartaáfallið>

verða heill aftur, ná sér af hjartaáfallinu

→ sjá: koma so, kominn lo, komandi lo