koma – Yrða: íslensk orðabók

hreyfa sig til tiltekins staðar

lestin kemur eftir nokkrar mínútur

ég kom heim klukkan átta

gerið svo vel að koma inn

hún kom gangandi í vinnuna

komdu hingað kisa mín

hann kemur aldrei of seint

þágufall

láta (e-ð/e-n) fara eitthvert, flytja, færa (e-ð/e-n) eitthvert

það þarf að koma lyklunum til hennar

nú þarf að koma verkefninu af stað

koma sér <í skólann>

við skulum fara að koma okkur heim

koma <þessu> til skila

flytja þessi skilaboð

hafna, lenda

boltinn kom beint í rúðuna

byrja, hefjast

það er kominn morgunn

það var komin rigning

þágufall

<þetta> kemur sér vel/illa

þetta er heppilegt/óheppilegt

nú kom sér vel að vera með farsíma

hanskarnir koma sér vel við garðyrkjuna

koma sér vel við <hana>

reyna að hafa jákvæð áhrif á hana

koma + að

koma að honum <þar>

ganga fram á hann þar, standa hann að verki (við e-ð vafasamt, óleyfilegt)

hann kom að henni í rúminu með öðrum manni

koma að <málinu>

eiga aðild að málinu

stjórnarandstaðan hefur einnig komið að gerð frumvarpsins

koma að <þessu>

minnast á þetta

ég kem að þessu síðar í erindinu

koma sér að <þessu>

hafa dug í sér til þessa

ég kom mér ekki að því að vaska upp

koma sér að verki

hefjast handa við verkið, fara að gera eitthvað

þágufallkoma <þessu> að

finna tækifæri, pláss fyrir þetta, taka þetta fram

ég vil gjarnan koma því að að leikritið er ekki bara fyrir börn

koma langt að

koma frá fjarlægum stað

röðin er komin að <henni>

hún er næst í röðinni

það kemur að <henni>

hún er næst í röðinni

það er komið að þér að búa til kaffið

það kemur að <þessu>

með tímanum gerist þetta

bráðum kemur að því að þakið verður málað

þágufall

koma + af

koma <verkinu> af

ljúka verkinu, klára það

koma <verkefninu> af stað

láta það hefjast

koma af stað <illindum>

vera valdur að illindum, rifrildi

þágufall

koma + á

koma á <reglulegum fundum>

innleiða reglulega fundi

reynt hefur verið að koma á jafnrétti kynjanna

stofnsetja, setja á stofn, byrja að starfsrækja (e-ð)

koma á fót <nýrri starfsemi>

koma á stofn <skóla>

koma <fyrirtækinu> á laggirnar

það kom á hana

henni brá, henni varð hverft við

koma + á móts við

koma á móts við <þá>

sinna þörfum eða kröfum þeirra

göngustígum hefur verið fjölgað til að koma á móts við útivistarfólk

koma + fram

koma fram

vera með atriði, troða upp

margar frægar hljómsveitir komu fram á tónleikunum

koma fram

finnast, birtast

stúlkan sem hvarf er komin fram

<spádómurinn> kemur fram

spádómurinn rætist, verður að veruleika

<gallinn> kemur fram

gallinn kemur í ljós

<þetta> kemur fram <í skýrslunni>

þetta sést, þetta er í skýrslunni

koma <vel> fram við <hana>

sýna henni góða framkomu, tillitssemi, kurteisi

forstjórinn hefur alltaf komið vel fram við starfsfólkið

koma + frá

koma <verkinu> frá

ljúka verkinu, klára það

koma <ráðherranum> frá

svipta hann embætti, völdum

koma + fyrir

<þetta> kemur fyrir

þetta hendir, gerist

af hverju er sjúkrabíll hér, hvað kom fyrir?

<þetta> kemur fyrir <hana>

þetta hendir hana

það kemur stundum fyrir mig að gleyma lyklunum

koma <dótinu> fyrir

finna pláss fyrir það

hann átti erfitt með að koma hjólinu sínu fyrir á gangstéttinni

koma sér fyrir

búa um sig, gera sér heimili

hún er að koma sér fyrir í nýju íbúðinni

koma <vel> fyrir

bjóða af sér <góðan> þokka, hafa <góða> framkomu

nýi ráðherrann kemur ekkert illa fyrir

<orðið> kemur fyrir

orðið birtist, kemst í notkun

starfsheitið kemur fyrst fyrir á 18. öld

koma <henni> ekki fyrir sig

muna ekki eftir henni, takast það ekki þótt reynt sé

ég kem því ekki fyrir mig hvað hann heitir

allt kom fyrir ekki

ekkert dugði, allt var árangurslaust

við leituðum lengi en allt kom fyrir ekki

koma + heim

<þetta> kemur heim við <útreikningana>

þetta passar, stemmir við þá

uppgötvanir fornleifafræðinga koma heim við fornar sagnir

<þetta> kemur heim og saman við <það>

þetta passar, stemmir við það

lýsingar vitna komu heim og saman við útlit þjófsins

koma + inn

kom inn!

gakktu inn (í herbergið, húsið)

koma <þessu> inn hjá <henni>

fá hana til að trúa þessu

koma + inn á

koma inn á <þetta>

tala um þetta, minnast á þetta

ráðherrann kom inn á umhverfismál í ræðu sinni

þágufall

koma + í

koma <honum> í <vanda>

setja hann í vanda, valda honum vanda

þau hafa komið sér í miklar skuldir

koma <starfseminni> í gang

láta hana hefjast

koma + í kring

koma <þessu> í kring

sjá svo um að þetta gerist

hann kom því í kring að þeim yrði boðið í veisluna

koma + með

koma með (honum)

fara eitthvert með honum

hún ætlar að koma með mér í leikhúsið

ég ætla í gönguferð, kemur þú með?

koma með <bókina>

taka bókina með sér

allir gestirnir komu með eitthvert snarl

koma með <tillögu>

færa fram, bera upp tillögu

einn fundarmanna kom með góða hugmynd

koma + niður á

<sparnaðaraðgerðirnar> koma niður á <fötluðum>

þær bitna á fötluðum, fatlaðir koma illa út úr þeim

koma sér niður á <góða lausn>

finna í sameiningu góða lausn

koma + nærri

koma nærri <deilunni>

eiga þátt í, eiga aðild að deilunni

koma + saman

<nemendur> koma saman

nemendur mynda samkomu, mætast í hóp

læknar spítalans komu saman til fundar

fjöldi manns var saman kominn í miðbænum

þágufallkoma sér saman um <skipulagið>

gera með sér samkomulag um skipulagið

nemendurnir gátu ekki komið sér saman um skemmtidagskrána

þágufall<þeim> kemur <vel> saman

samkomulag þeirra er <gott>

bræðrunum tveimur hefur alltaf komið illa saman

koma saman <ræðu>

setja saman, semja ræðu

koma + til

<verðhækkunin> kemur til af <þessu>

hún orsakast af þessu

hvað kemur til?

hvað veldur, hver er ástæðan?

hvað kemur til að hann er orðinn svona hógvær?

koma til

verða betri, öflugri, eflast, batna

gróðurinn er allur að koma til eftir veturinn

koma til

verða til, fá tilvist

hún hefur kosið flokkinn eftir að hann kom til

koma til sögunnar

verða til, fá tilvist

skrifað var á skinn áður en pappír kom til sögunnar

koma til með að <iðrast þessa>

eiga eftir að iðrast þessa seinna

við komum til með að bjóða upp á hvalaskoðun í sumar

þykja/finnast <mikið> til koma

vera hrifinn

þau skoðuðu safnið en fannst heldur lítið til koma

það kemur til <átaka>

átök verða, átök brjótast út

það kom til slagsmála fyrir utan krána

koma + til móts við

koma til móts við <hana>

sinna þörfum eða kröfum hennar

reynt er að koma til móts við kröfur neytenda

þágufall

koma + undan

koma <peningunum> undan

laumast burt með þá, flytja þá leynilega á brott

koma sér undan <verkinu>

sjá til þess að maður sleppi við verkið

ráðherrann kom sér undan því að svara spurningunni

koma + undir

barnið kemur undir

barnið er getið

barnið kom undir um páskana

koma + upp

sólin/tunglið kemur upp

sólin/tunglið stígur upp, rennur upp á himninum

<krókusarnir> koma upp

þeir stinga blöðum sínum upp úr moldinni

koma sér upp <vinnustofu>

útbúa vinnustofu fyrir sig

íbúar héraðsins hafa komið sér upp félagsheimili

það kemur upp <ný staða>

það verða nýjar aðstæður

við hringjum í húsvörðinn ef eitthvert vandamál kemur upp

koma + upp á

það kemur <ekkert> upp á

ekkert (sérstakt) gerist út frá hinu vanalega

kom nokkuð upp á meðan ég var í burtu?

koma + upp um

koma upp um <þjófinn>

segja frá þjófnum, afhjúpa hann

koma + út

<bókin> kemur út

bókin kemur úr prentsmiðjunni, er gefin út

<þetta> kemur <einkennilega> út

þetta lítur einkennilega út, kemur einkennilega fyrir sjónir

ljósmyndin kom vel út á prenti

koma + út úr

<verslunin> kemur <vel> út úr <könnuninni>

útkoma hennar úr könnuninni er góð

koma + við

koma við <þetta>

snerta það með hendinni

það er bannað að koma við listaverkin

koma við <þar>

stoppa þar á leiðinni

hún kom við í banka á leiðinni heim

<þetta> kemur <þér> ekki við

þig varðar ekkert um þetta, þú þarft ekki að vita neitt um þetta

koma + yfir

hvað kom yfir <hana>?

í hvaða hugarástand komst hún?

ég veit ekki hvað kom yfir mig en ég byrjaði að æpa

andinn kemur yfir <hana>

hún fær (skáldlegan) innblástur

koma í veg fyrir <innbrot>

hindra að innbrot eigi sér stað

→ sjá: komast so

Orðasvið og orðasambönd

koma

Orðasambönd

að koma í eina bröndótta
allt er komið á ærsl og busl
allt kemur fyrir eitt
allt kemur fyrir sama
ausa við leka þeim sem fyrst kemur að
á helginni kemur