líða¹ (sagnorð) · Yrða: íslensk orðabók

þokast áfram, hafa framvindu, vinda fram

tíminn líður hratt

árin liðu og börnin urðu fullorðin

það er <skammt> liðið á <mánuðinn>

mánuðurinn er stutt kominn

það er <langt> um liðið

það er langt síðan

það líður að <jólum>

jólin nálgast

það líður á <árið>

árinu vindur fram

þegar líður á sumarið fjölgar ferðamönnunum

það líður ekki á löngu þar til <hann kemur í heimsókn>

ekki er langur tími þar til ...

ekki leið á löngu þar til bíllinn bilaði aftur

það líður og bíður

langur tími líður

það leið og beið og ekkert fréttist af ferðamönnunum

þegar fram líða stundir

þegar tímanum vindur fram, þegar lengra líður, með tímanum

þegar fram líða stundir verður vöruúrvalið vonandi aukið

þegar frá líður

þegar lengri tími er liðinn

æsingur kjósenda minnkaði þegar frá leið

þágufall

vera við ákveðna líðan eða heilsu, hafa það gott eða slæmt

mér líður ekki vel í höfðinu

hvernig líður ykkur í nýja húsinu?

hún hafði miklar áhyggjur og leið illa

sjúklingnum líður betur í dag

hafa ákveðinn gang, vera við visst ástand

hvað líður byggingu nýja grunnskólans?

hvað sem öðru líður

hvernig svo sem málin standa, þrátt fyrir allt

hvað sem öðru líður er bókin mjög spennandi

þágufall

<mér> líður <þessi atburður> aldrei/seint úr minni

ég mun alltaf muna þennan atburð

fara létt, svífa

þau liðu eftir dansgólfinu

reykurinn leið í gegnum loftið

líða + hjá

<verkurinn> líður hjá

verkurinn hverfur smátt og smátt

höfuðverkurinn leið smám saman hjá

láta ekki <tækifærið> hjá líða

sleppa ekki tækifærinu

við létum ekki hjá líða að koma við á hvalasafninu

líða + í

líða í ómegin

missa meðvitund, falla í yfirlið

líða + undir

<ríkið> líður undir lok

ríkið hættir að vera til

Rómaveldi leið undir lok á 5. öld

líða + út af

líða út af

hníga út af, lognast út af

hún leið út af í hægindastólnum

líða + yfir

það líður yfir <hana>

hún missir meðvitund, fellur í yfirlið

það leið yfir hann á læknastofunni

→ sjá: líða² sagnorð, líðast sagnorð, líðandi lýsingarorð