standa · Yrða: íslensk orðabók

vera kyrr í uppréttri stöðu

hún stendur í dyragættinni

þau stóðu við gluggann

hann hefur staðið hér í 20 mínútur

standa á fætur

standa upp

vera byggt, reist, sett (e-s staðar)

húsið stendur við árbakkann

styttan stendur á miðju torginu

tvær skálar stóðu á borðinu

jólatréð stóð úti á miðju gólfi

vera skrifað eða prentað

hvað stendur á skiltinu?

ég las þetta í dagblaðinu, þetta stóð þar

skaga út eða fram

fætur hennar stóðu út undan sænginni

hár hans stóð út í allar áttir

láta hendur standa fram úr ermum

sýna dugnað

taka yfir tiltekinn tíma, vara

veislan stóð fram á nótt

ráðstefnan stendur ennþá

vera í gildi, óhaggað

tilboðið stendur í þrjá daga

(um veður og vind) geisa, ríkja, vera á

vindurinn stendur af austri

óveðrið hefur staðið í tvo daga

um aðstöðu, traustleika

standa höllum fæti

vera í slæmri aðstöðu

fyrirtækið stóð höllum fæti á þeim tíma

standa vel að vígi

vera í góðri aðstöðu

<listasafnið> stendur á gömlum merg

<fyrirtækið> stendur traustum fótum

standa sig <vel>

sýna <góða> frammistöðu, ná <góðum> árangri

hann hefur staðið sig ágætlega í starfinu

við stöndum okkur ekki nógu vel í endurvinnslunni

þágufall

(um karlmann) vera með kynferðislega stinningu

honum stendur

standa + að

standa að <listsýningunni>

skipuleggja og/eða framkvæma hana

nemendafélag skólans stóð að söngleiknum

standa <honum> að baki

vera síðri en hann

þessi skáldsaga stendur hinni langt að baki

standa <hana> að verki

koma að henni við e-ð óleyfilegt

innbrotsþjófarnir voru staðnir að verki í íbúðinni

standa + af

standa af sér <óveðrið>

bíða eftir að óveðrinu sloti

fyrirtækið hefur staðið af sér miklar þrengingar

standa + á

hvernig stendur á <þessu>?

af hverju er þetta svona, hvernig víkur þessu við?

hvernig stóð á því að fundinum var frestað?

<þannig> stendur á <því>

því er þannig háttað

<mér> stendur á sama

mér er sama (um e-ð)

honum stóð á sama þótt íbúðin væri lítil

standa fast á <þessu>

halda eindregið fram þessari ákveðnu skoðun

það stendur <þannig> á

aðstæður eru þannig

það stendur <illa> á fyrir <mér>

þetta er óhentugt fyrir mig

eins og stendur / eins og er

eins og sakir standa, eins og er, í augnablikinu, einmitt núna

forstjórinn er upptekinn eins og stendur

láta ekki á sér standa

láta ekki bíða eftir sér

það stendur á <svari>

svarið lætur bíða eftir sér

það stendur ekki á <mér>

það er engin töf mín vegna, ég er tilbúinn

ekki stóð á mönnum að veita aðstoð sína

standa + á bak við

standa á bak við <þessi áform>

vera upphafsmaður þessara áforma

ekki er vitað hverjir stóðu á bak við sprengjutilræðið

standa + frammi fyrir

standa frammi fyrir <miklum vanda>

þurfa að glíma við mikinn vanda

standa + fyrir

standa fyrir <tónleikunum>

skipuleggja tónleikana, hafa veg og vanda af þeim

standa + gegn

standa gegn <þessari hugmynd>

vera á móti henni, leggjast gegn henni

standa + hjá

standa hjá

standa og aðhafast ekkert

þeir stóðu bara hjá og horfðu á áflogin

standa + í

standa í <húsbyggingu>

fást við húsbyggingu (e-ð sem útheimtir orku og tíma)

standa í stappi

eiga í veseni, deilu

standa í stórræðum

vera með mikið verkefni eða mikla framkvæmd

<bitinn> stendur í <honum>

bitinn er fastur í hálsinum á honum

standa + með

standa með <henni>

halda með henni, taka málstað hennar

hún hefur alltaf staðið með mér í deilunni

standa + saman

standa saman

sýna samstöðu

verkafólkið stóð saman um réttindamál sín

standa + til

það stendur til að <halda veislu>

ætlunin er að halda veislu, veisla er í undirbúningi

það stendur mikið til

mikið tilstand er í undirbúningi

standa + undir

standa (ekki) undir <kostnaðinum>

geta (ekki) borið kostnaðinn

standa (ekki) undir nafni

vera (ekki) jafngóður og nafnið gefur til kynna

standa + upp á

það stendur upp á <hana>

röðin er komin að henni að aðhafast

standa + upp úr

<grastoppar> standa upp úr <snjónum>

þeir ná upp fyrir snjóinn

<þetta> stendur upp úr

þetta ber af, er flottast

síðasta atriðið á tónleikunum stóð upp úr

standa + uppi

standa uppi eignalaus

koma út sem eignalaus maður, vera orðinn eignalaus

standa uppi slyppur og snauður

vera orðinn fátækur

líkið stendur uppi

gamalt

líkið liggur í kistu í heimahúsi

standa + við

standa við <loforðið>

efna loforðið

stjórnvöld hafa ekki staðið við að byggja nýja brú

standa + yfir

standa yfir <henni>

vera yfir henni, hjá henni

hann stóð yfir mér meðan ég skrifaði bréfið

<ráðstefnan> stendur yfir

ráðstefnan er haldin núna, verið er að halda hana

→ sjá: standast sagnorð, staðinn lýsingarorð, standandi lýsingarorð

Orðasvið, samstæður og orðasambönd

staða

staða

Samstæður

Orðasambönd

að standa upp í sauðbandi
allt stendur í stampi
augun standa á stiklum
eins og á stendur
eins og efni standa til
eins og sakir standa