fara – Yrða: íslensk orðabók

hreyfa sig burt, leggja af stað

lestin fer eftir 10 mínútur

við fórum heim eftir tónleikana

þau fóru inn í búðina

hann fer til útlanda í næstu viku

fara erindisleysu

fara ferða sinna

fara um, hreyfa sig um

hún fer allra sinna ferða fótgangandi

fara leiðar sinnar

halda á brott, fara sína leið

bera sig að, athafna sig (á e-n hátt)

farðu varlega í kvöld

fara huldu höfði

vera nafnlaus, óþekktur á e-m stað

fara sér hægt

fara, ferðast hægt

enda, lykta (e-n veginn)

hvernig fór fótboltaleikurinn?

allt fór vel á endanum

fara flatt á <viðskiptunum>

fara illa út úr þeim

þágufall

passa (e-m), klæða (e-n) vel eða illa

þessi litur fer þér vel

eiga (vel) við, passa, hæfa

málverkið fer vel á þessum vegg

sem háttarsögn með nafnhætti: byrja

það fór að rigna

mér var farið að leiðast

hundurinn fór að gelta

sem háttarsögn með lýsingarhætti nútíðar, táknar framvindu

veðrið fer hlýnandi

sjúklingnum fór smám saman batnandi

í samböndum blótsyrða

fari það kolað

fari <hún> norður og niður

fari <hann> til fjandans

fara + að

fara <svona> að <þessu>

gera <þetta> svona, á þennan hátt

hvernig fer maður að því að skipta um dekk?

þú fórst ekki rétt að þessu

fara vel að <honum>

beita hann blíðu eða kurteisi

fara að <reglunum>

fylgja, hlýða reglunum

þágufall

fara + aftur

<öllu> fer aftur

allt er á niðurleið, versnar, hnignar

hann segir að heiminum fari stöðugt aftur

<henni> fer aftur

hún sýnir afturför, verður lélegri (t.d. til heilsunnar)

fara + á

það fer vel á <þessu>

það passar vel, hæfir vel

það fer vel á því að hafa rauðvín með matnum

fara á hausinn/höfuðið

verða gjaldþrota

fara + á bak við

fara á bak við <hana>

gera e-ð án hennar vitundar, hafa hana ekki með í ráðum

fara + á mis við

fara á mis við <menntun>

hafa ekki fengið menntun, tækifæri til menntunar

fara + betur

<benda á það> sem betur má fara

benda á það sem þarf að laga

fara + eftir

fara eftir <reglunum>

fylgja, hlýða reglunum

hún fór alveg eftir leiðbeiningunum

þágufall

fara + fjarri

<þessu> fer fjarri

það er langt frá því

því fer fjarri að við höfum gert eitthvað ólöglegt

fara + fram

þágufall

<nemandanum> fer fram

nemandinn verður betri, nær betri árangri

skólanum hefur farið fram í alþjóðlegum samanburði

<útskriftin> fer fram <í stóra salnum>

hún gerist þar, er haldin þar

meðan þessu fór fram

meðan þetta gerðist, átti sér stað

fara + fram á

fara fram á <kauphækkun>

óska eftir, biðja um kauphækkun

fara + fram hjá

<þetta> fer fram hjá <honum>

hann tekur ekki eftir þessu, gefur því ekki gaum

það fór alveg fram hjá mér hvaða dag hann nefndi

það hefur vart farið fram hjá neinum að jólin nálgast

fara + fram úr

fara fram úr (bílnum)

aka fram fyrir hann á veginum

það er bannað að fara fram úr hérna

<þetta> fer fram úr <mínum> björtustu vonum

þetta er meira eða betra en ég gat vonað

fara + frá

fara frá

færa sig, vera ekki fyrir

geturðu farið frá, ég þarf að komast inn

fara frá <henni>

yfirgefa hana, t.d. eiginkonuna

fara + fyrir

fara fyrir <hópnum>

vera leiðtogi eða málsvari hópsins

reyndasti maðurinn fór fyrir leiðangrinum

það fer <mikið> fyrir <ísskápnum>

ísskápurinn er fyrirferðarmikill, plássfrekur

það fer <lítið> fyrir <vilja til sátta>

menn virðast ekki vera áfjáðir í sættir

það fór illa fyrir <henni>

henni farnaðist illa, það gekk ekki vel hjá henni

fara + hjá

fara hjá sér

verða skyndilega feiminn, vandræðalegur

hún fór hjá sér þegar hann horfði á hana

það fer ekki hjá <þessu>

þetta hlýtur að vera eða gerast, þetta er óhjákvæmilegt

það fór ekki hjá því að sagan bærist út

fara + í

fara í <peysu>

klæða sig í peysu

farðu nú í skóna, við ætlum út

fara í vinnuna

halda til vinnu sinnar

fara í <samkvæmi>

það fer <mikill tími> í <þetta>

miklum tíma er varið, eytt í þetta

allur dagurinn fór í að gera hreint

<þessi hávaði> fer í mig

hann veldur mér óþægindum, truflar mig

<maturinn> fer <vel> í mig

hann hefur ágæt áhrif á mig

fara + í kringum

fara í kringum <lögin>

notfæra sér glufur í löggjöfinni

fara + í sundur

<bandið> fer í sundur

bandið slitnar

fara + með

fara illa með <bílinn>

gefa bílnum slæma meðferð

fara vel með <hjólið>

gefa hjólinu góða meðferð

fara með heilsuna

eyðileggja heilsuna

hann fer með heilsuna ef hann heldur áfram að drekka

fara með <hana> <þangað>

taka hana með sér þangað

hann fór með börnin í dýragarðinn

ég ætla að fara með stólinn til bróður míns

fara með <henni> <þangað>

fara í fylgd, félagsskap með henni þangað

viltu fara með mér á listasafnið?

fara með <kvæðið>

lesa kvæðið upphátt

fara með <umboð ráðherra>

vera með, hafa umboð hans

þarna fórstu með það

sagt í tilsvari: þarna gekkstu of langt, þarna er vandi á höndum

fara + ofan af

fara ekki ofan af <skoðun sinni>

víkja ekki, hvika ekki frá skoðun sinni

fara + saman

<þetta tvennt> fer <vel> saman

þetta tvennt hæfir hvort öðru, passar vel saman

húsgögnin í stofunni fara einstaklega vel saman

akstur og áfengi fer ekki saman

<þetta tvennt> fer saman

þetta tvennt fylgist að

vændi og fíkniefni fara oft saman

fara + um

fara um <veginn>

gera leið sína um veginn

fjölmargir ferðamenn fara um þjóðgarðinn

fara um koll

falla úr lóðréttri stöðu í lárétta, detta á hliðina

blómavasinn fór um koll

það fer <vel> um <mig>

ég hef það þægilegt, notalegt

það fór vel um okkur á hótelinu

það fer um <mig>

ég fyllist óhugnaði

fara + utan

leggja af stað til útlanda

fara + úr

fara úr

taka af sér fötin, afklæðast

fara úr <peysunni>

afklæðast henni

gestir eru beðnir að fara úr skónum

fara + út

fara út

leggja af stað til útlanda

fara út að borða

fara á veitingahús

fara út að skemmta sér

fara á ball, árshátíð o.þ.h.

fara + út í

fara út í <verslunarrekstur>

ráðast í, hefja verslunarrekstur

fara út í <smáatriði>

gera grein fyrir þeim, útskýra þau

það er ekki tími til að fara út í einstök atriði samningsins

fara + út úr

fara <vel> út úr <viðskiptunum>

fá góða niðurstöðu, útkomu úr þeim, hagnast á þeim

mörg fyrirtæki fóru illa út úr lántökum sínum

fara + við

<skórnir> fara <vel> við <buxurnar>

skórnir passa við buxurnar, eru í samræmi við þær

fara + yfir

fara yfir <verkefnin>

lesa og leiðrétta verkefnin

það þarf að fara aftur yfir útreikningana

fara + yfir í

fara yfir í <heilsufæði>

skipta yfir í hollt fæði

fara + yfir um

fara yfir um

bilast á geði

→ sjá: farast so, farinn lo

Orðasvið og orðasambönd

brottför

brottför
, burtför
, brottfararstund
, brottferð
, brottlaga
, burtferð

Orðasambönd

að fara á bita
að fara í súpu
allt fer á bullandi sund
allt fer á tvist og bast
allt fer í bál
allt fer í klúðri