halda – Yrða: íslensk orðabók

þágufall

hafa tak (á e-u)

hún hélt barninu þétt að sér

haltu spýtunni fastri meðan ég saga

hann heldur fast í kaðalinn

við héldum öll á innkaupapokum

þolfall

álíta, telja (e-ð) (tekur viðtengingarhátt ef so. fer á eftir)

hann hélt að brauðið væri búið

hvað heldur þú um þetta?

ég held nú síður

leggja af stað fara (eitthvert)

við héldum heimleiðis

þeir héldu á brott um fimmleytið

þolfall

framkvæma, hafa (boð, fund)

hún hélt mikla afmælisveislu

ráðstefnan var haldin í Svíþjóð

þolfall

fara eftir (e-u), standa við (e-ð), efna (t.d. loforð, samning)

hann hélt loforð sitt

þágufall

veita (e-u) viðnám

þakið heldur ekki vatni

þágufall

hafa (e-ð) óbreytt, óhreyft

fyrirkomulaginu verður haldið óbreyttu

við ætlum að halda okkar gömlu venju

halda hópinn

vera saman í ódreifðum hóp

þágufall

halda <þessu> leyndu

fara leynt með þetta

halda kjafti

þegja

halda sér saman

þegja

halda sig <innandyra>

vera innandyra, fara ekki út

fiskarnir halda sig á grunnsævi

halda kyrru fyrir

vera kyrr, fara ekkert

þau héldu kyrru fyrir í tjöldunum

halda sér <vel>

halda útliti sínu og atgervi lítið breyttu

hún heldur sér ágætlega þótt hún sé orðin sjötug

þágufall

halda + að

halda <honum> að verki

sjá um að hann vinni, slóri ekki

halda + aftur af

halda aftur af sér

hafa hemil á sér, stilla sig

halda + á

halda á <skjalatösku>

hafa hana í hendinni

hann heldur á pappakassa

hún hélt á vínglasi í hendinni

þurfa á <peningunum> að halda

þarfnast peninganna

þegar/ef á þarf að halda

lögreglan var viðbúin ef á þurfti að halda

halda vel á <peningunum>

fara gætilega með þá

halda vel á spöðunum

taka á málum með útsjónarsemi og skynsemi

halda + áfram

halda áfram

gera þetta áfram, fara áfram

þau héldu áfram uns stígurinn endaði

þágufallhalda <þessu> áfram

gera þetta áfram, gera áfram sama hlutinn

hann hélt áfram að skrifa

hún ætlar ekki að halda náminu áfram

halda áfram með <frásögnina>

<útsalan> heldur áfram

útsalan er enn í gangi

heimsmeistarakeppnin heldur áfram á sunnudaginn

þágufall

halda + eftir

halda <þessu> eftir

láta frá sér allt nema þetta

þágufall

halda + fram

halda <þessu> fram

segja þetta sem staðreynd, fullyrða þetta

hún heldur því fram að þessi búð sé best

því er haldið fram að atvinnuleysi hafi minnkað

ef fram heldur sem horfir

ef framhaldið verður eins og útlit er fyrir

halda + framhjá

halda framhjá <honum>

eiga í ástarsambandi við annan en hann

halda + frá

halda sig frá <áfengi>

forðast áfengi

ég ætla að halda mig frá sykri í nokkrar vikur

halda + fyrir

halda fyrir <munninn>

hafa höndina fyrir munninum

hann hélt fyrir stútinn á garðslöngunni

halda + í

halda í <handriðið>

klemma fingurna um handriðið

halda dauðahaldi í <hönd hennar>

halda mjög fast í hana

halda í vonina

hafa enn von, missa ekki vonina

halda + með

halda með <fótboltaliðinu>

styðja liðið

með hverjum heldur þú í spurningakeppninni?

þágufall

halda + niðri

halda niðri í sér hlátrinum

bæla, kæfa hláturinn

halda niðri í sér andanum

stöðva andardráttinn um stund

halda + saman

halda saman <reikningunum>

hafa þá aðgengilega á einum stað

halda + til

halda til <þar>

dvelja þar

hann hefur haldið til hjá vini sínum eftir skilnaðinn

halda sér til fyrir <honum>

fegra sig fyrir hann

halda + upp á

halda upp á <afmælið sitt>

fagna því með viðhöfn eða veislu

halda <mikið> upp á <leðurjakkann>

hafa mikið dálæti á honum

mamma heldur mest upp á yngsta soninn

þágufall

halda + uppi

halda <henni> uppi

sjá fyrir henni, vinna fyrir henni

halda uppi <blómlegu menningarlífi>

halda því gangandi

halda uppi samræðum

halda samræðunum gangandi

halda + utan um

halda utan um <hana>

hafa handlegginn um hana

hann hélt fast utan um bakpokann sinn

halda utan um <verkefnið>

hafa umsjón með verkefninu

halda fast utan um <peningana>

vera tregur til að eyða þeim

halda + út

þolfallhalda <þetta> (ekki) út

hafa ekki þol eða eirð í sér, þola þetta (ekki)

hún hélt ekki út að hlusta á alla ræðuna

hann hélt út í fjóra mánuði í starfinu

halda + úti

halda úti <tímariti>

reka tímaritið, annast rekstur (útgáfu) þess

halda + við

halda við <spýtuna>

hafa tak á henni svo að hún detti ekki eða færist

þágufallhalda <húsinu> við

lagfæra og bæta húsið eftir þörfum

halda við <hana>

hafa hana sem ástkonu, viðhald

þágufall<mér> heldur við <köfnun>

ég er alveg að kafna, mér liggur við köfnun

→ sjá: haldast so, haldinn lo