sitja – Yrða: íslensk orðabók

vera á stól, vera sitjandi, í sæti

hann situr í hægindastólnum

þær sitja á skrifstofustólum í vinnunni

við sátum við eldhúsborðið

hún sat uppi í rúminu

hann hefur setið hér í klukkutíma

sitja á hækjum sér/sínum

sitja lágt niðri með beygð hné

sitja flötum beinum

sitja á gólfinu með útrétta fætur

þolfall

vera viðstaddur (fund, ráðstefnu)

sjö manns sátu fundinn

hún sat alla ráðstefnuna

vera við völd

ríkisstjórnin sat í tvö ár

hafa aðsetur (e-s staðar)

forsetinn situr á Bessastöðum

(um föt) fara vel

jakkinn situr ekki vel á honum

sitja + að

sitja að <drykkju>

sitja og drekka vín

sitja að <tafli>

sitja og tefla

sitja einn að <þessu>

vera einn um að fá þetta

stofnunin virðist sitja ein að öllum styrkjunum

sitja + á

sitja á sér

halda aftur af sér, stilla sig

hún sat á sér að segja þetta við hann

geta ekki á sér setið

geta ekki stillt sig

sitja á <upplýsingunum>

hafa upplýsingar og láta þær ekki víðar

sitja + eftir

sitja eftir

vera í skólanum eftir að skólatíma er lokið (vegna trassaskapar eða lélegrar frammistöðu)

sitja + fyrir

sitja fyrir

vera módel (hjá listamanni eða ljósmyndara)

prinsinn sat fyrir hjá málaranum

sitja fyrir

fá forgang, hafa forgang

fatlaðir nemendur sitja fyrir í mötuneytinu

sitja fyrir <honum>

bíða (í leyni) eftir honum, gera fyrirsát um hann

blaðamenn sátu fyrir söngvaranum

sitja + heima

sitja heima

vera heima, fara ekki (á kjörstað, í boð)

þriðjungur kjósenda sat heima

sitja + hjá

sitja hjá

taka ekki afstöðu, segja pass

fjórir fundarmenn sátu hjá í atkvæðagreiðslunni

sitja + inni

sitja inni

vera í fangelsi

hann situr inni fyrir vopnað rán

sitja + í

sitja í

fá bílfar

hún fékk að sitja í út að gatnamótunum

sitja í súpunni

vera í slæmri stöðu, vera í klandri

þetta situr enn í <mér>

þetta leitar á mig, ég á erfitt með að gleyma þessu

sitja + um

sitja um <borgina>

gera umsátur um borgina

leyniskyttan sat um forsetann

sitja + undir

sitja undir <barninu>

sitja með barnið í kjöltunni

sitja undir stýri

vera við stýrið (á bílnum), stýra bílnum, keyra bílinn

ég sat undir stýri mest alla leiðina

sitja undir <ásökunum>

þurfa að þola ásakanir

sitja + uppi með

sitja uppi með <miklar birgðir>

geta ekki losað sig við birgðirnar

hann situr uppi með miklar skuldir

þau sátu uppi með gestinn í þrjár vikur

sitja + við

sitja við <skriftir>

sitja og skrifa

hún sat við að prjóna allt kvöldið

láta þar við sitja

aðhafast ekkert frekar, hætta þar

hún lét ekki þar við sitja heldur vann þrenn önnur gullverðlaun

þar við situr

ekkert meira gerist, þannig er það nú

beiðni okkar um styrk var hafnað og þar við situr

láta ekki sitja við orðin tóm

tala ekki bara heldur framkvæma líka

sitja + yfir

sitja yfir <nemendunum>

vera hjá þeim og hafa auga með þeim

hún situr oft yfir í prófum í háskólanum

sitja yfir <skólabókunum>

vera niðursokkinn í skólabækurnar

→ sjá: setinn lo, setjast so, sestur lo

Orðasvið, samstæður og orðasambönd

seta

seta
, setjast
, setustelling

Samstæður

Orðasambönd

geta ekki á sér setið
geta ekki setið á dreng sínum
og við það situr
setið er meðan sætt er og staðið meðan stætt er
það er verr farið en heima setið
það er þröngt setinn bekkurinn